"શબ્દ સ્મૃતિ"

(રાગઃ મન વણજારા બહાર ભટકતી ચિત્તવૃત્તિને વારજો...)

શુભ અવશરીએ ગુરુજી પધાર્યા ઘેર વ્હાલે વધામણાં

મારા મનગમતા મહેમાન પધાર્યા મુજ ઘેર હરખ હુંલામણા

સતસંગી સંતો ઘેર આવીયા,

એતો મારે મન બહું ભાવીયા,

ખુબ હરખે ગુરુને વધાવીયા, શુભ અવશરીએ ગુરુજી... (ટેક)

શુભ કર્મ કંકુ ઓગાળીયા,

ભાલે તિલક સોહાવીયા,

શુદ્ધ ચોખા ચિત ચોંટાડીયા, શુભ અવશરીએ ગુરુજી....

પ્રેમ પુષ્પ વીણી લાવીયા,

એક તારે હાર ગુંથાવીયા,

હાર હરખે ગુરુને પહેરાવીયા, શુભ અવશરીએ ગુરુજી...

સત શેરી સુંદર શોભતી,

ગુરુ મૂર્તિ મનોહર ઓપતી,

દર્શનીયે સુરતા ઓપતી, શુભ અવશરીએ ગુરુજી....

મન મંદિરીયાં અજવળીયાં,

ચિત્ત ચોપાટે આસન ધારીયાં,

ગુરુ બેઠા આસન સ્વિકારીયાં, શુભ અવશરીએ ગુરુજી.....

ગુરુએ વચનામૃત રેલાવીયાં,

દાસ પરાંણ પ્રેમરસ પામીયા,

ગુરુ છગનરામે શિર કળ ધારીયા, શુભ અવશરીએ ગુરુજી....


-----------------------------------------------

શ્રી પલાભાઇ ચુંથાભાઇ પટેલ, જિંડવા